I shumëkërkuari nga policia italiane për organizimin e vrasjes së italianit Gioacchino Baldassarre, është arrestuar dje në portin e Durrësit. 34-vjeçari Bujar Aga, bashkë me dy shqiptarë të tjerë organizoi dhe mori pjesë në vrasjen e liderit të grupit kriminal “Baldassarre”, i njohur për trafikun ilegal të lëndëve narkotike.
Bujar Aga dhe dy shqiptarët e tjerë ishin në një makinë tip Alfa 155 dhe të armatosur me një kallashnikov të tipit AK47, me 27 plumba e një pistoletë Tokarev me 7 plumba, organizuan sulmin ndaj kreut të bandës “Baldassarre” në Komunën e Terlizzit në provincën e Barit.
Policia italiane arriti të ndalonte dy bashkëpunëtorët, ndërsa B. Aga i shpëtoi forcave policore.
Ai u shpall në këkrim që prej muajit prill kur ndodhi ngjarja, ndërsa arrestimi i tij u bë kur ai mbrriti në portin e Durrësit me një identitet të rremë. 34-vjeçari u pikas nga policia e Molefetës të cilët lajmëruan autoritetet shqiptarë që bënë të mundur edhe arrestimin e tij.
Bujar Aga pritet të ekstradohet në drejtim të Italisë, ku do të përballet me procesin gjyqësor për veprat penale “Vrasje”, “Dhunim i ligit”, “Armëmbajtjes”, “Rezistencë ndaj forcave të rendit” etj.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
