Kultivuesit e midhjeve në liqenin e Butrintit kanë humbur të gjithë prodhimin e këtij viti. Temperaturat e larta në liqen, që në thellësinë 1 metër shkojnë në 33 gradë celcius dhe në sipërfaqe shkojnë deri në 34-35 gradë celcius kanë ngordhur të gjitha midhjet, prodhimi i të cilave do të shkonte deri në 18 mijë kuintalë. Kultivuesit thonë se përveç temperaturave të larta, mosfreskimi i liqenit nga Kanali i Vivarit e bën të pamjaftueshme ndërhyrjen e ujërave të Bistricës.
Për të zgjidhur këtë problem, Ministria e Bujqësisë kërkoi zvendosjen e përkohshme të midhjeve në zonën bregdetare të detit Jon në gjirin e Butrintit dhe alokimin e tyre sipas koordinatave të përcaktuara nga ekspertët.
Por, kultivuesit e midhjeve e kundërshtojnë vendimin e ministrisë, pasi kjo kërkon që për një muaj të shpenzohen më shumë se 40 mijë euro.
“Edhe me këtë urdhër është abuzuar sepse ky urdhër më detyron që të vete dhe të investoj 300 metër larg bregut, në atë zonë ku thellësia tejkalon 100 metrat. Nuk jemi në puse nafte, nuk do peshkojmë balena. Ne do të kultivojmë midhje. Do çojmë midhje deri në 50 metra larg jo 300 metra larg bregut. Në një nga pikat thotë deri në shtator dhe kjo thotë që për 1 muaj të bësh një investim 40 e ca mijë euro dhe t’i hedhësh poshtë”, sqaron kultivuesi Adem Oruçi.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
