Pas pretendimeve të disa azilkërkuesve të kthyer në Shqipëri se autoritetet gjermane nuk i kishin njoftuar për kthimin në atdhe, por u thanë se po transferoheshin në një qendër tjetër, ka reaguar edhe Ambasada Gjermane në Tiranë, e cila i ka quajtur këto pretendime të rreme
Sipas një njoftimi për mediat, thuhet se personat që janë subjekt i rikthimit apo i dëbimit nga Gjermania në kuadër të procedurave të azilkërkimit, informohen rreth masave të synuara në përputhje me të gjitha parimet e shtetit ligjor përmes policisë dhe me asistencën e përkthyesve.
“Dega lokale e Zyrës Gjermane për të Huajt është e pranishme përgjatë gjithë procesit të dëbimit dhe u përgjigjet pyetjeve të azilkërkuesve të refuzuar, gjithashtu me mbështetjen e përkthyesve. Në këtë mënyrë, azilkërkuesit subjekt i rikthimit apo i dëbimit, informohen në mënyrë plotësisht të mjaftueshme rreth të gjitha masave që kanë të bëjnë me ta”, thuhet në reagimin e ambasadës.
Ndërkaq, ambasada gjermane ka publikuar edhe një listë me datat e kthimit të azilkërkuesve për muajin gusht-shtator.
Datat e kthimit për azilkërkuesit nga Shqipëria dhe rajoni
20. 08. 2015 rreth 70 shqiptarë dhe 70 kosovarë
26. 08. 2015 rreth 70 shqiptarë dhe 70 kosovarë
02. 09. 2015 rreth 70 shqiptarë / Data e saktë nuk është përcaktuar ende përfundimisht.
03. 09. 2015 rreth 70 shqiptarë dhe 70 kosovarë
10. 09. 2015 rreth 70 shqiptarë dhe 70 kosovarë
15. 09. 2015 rreth 70 shqiptarë dhe 70 maqedonas
16. 09. 2015 rreth 70 shqiptarë dhe 70 serbë
17. 09. 2015 rreth 70 shqiptarë dhe 70 kosovarë
22. 09. 2015 rreth 70 shqiptarë dhe 70 kosovarë
29. 09. 2015 rreth 70 shqiptarë
30. 09. 2015 rreth 70 shqiptarë dhe 70 kosovarë.
