Në këtë pjesë të videos, dy motrat rrëfejnë marrëdhëniet e tyre me prindërit dhe motrën. Sipas tyre, prindërit dhe motrat i keqtrajtonin, dhunon psikologjikisht e fizikisht, duke arritur ti linin pa ngrënë për gjënë më të vogël.
Sipas dy motrave, nuk është e vërtetë që ato i kanë helmuar apo vënë në gjumë prindërit dhe motrën, por se i konsiderojnë ata si të sëmurë mendorë.
Orialda tregon se ajo është fejuar kundër dëshirës së saj, vetëm sepse e detyruan prindërit.
Rrëfimi i Orialda Kajatzit
Isha 16-vjeç, u fejova me një njeri që nuk e doja, që më keqtrajtonte dhe nuk kisha çfarë të bëja. Humba dy vjet të jetës kot, po kot. U fejova se më thanë prindërit.
Një ditë isha me motrën, mbaroi shkollën, ra zilja e telefonit, motra nuk kishte ofertë dhe e hap telefonin, një sekondë më duket se e hapi, harxhoi 400 lekë. I bërtiti babi e mori në dhomë i tha 4 ditë ke për të ngrënë vezë, deri sat ë shlyesh 400 lekë, llogarit sa është veza, shumëzoi sa është veza dhe do rrish pa ngrënë. Tre ditë, e ndihmova dhe unë pa ngrënë, dhe e përmendte ditë për ditë, për një 400 lekësh të fëlliqur të mos lejosh fëmijën të hash mëngjes, imagjinoni çfarë prindërish.
Ne kemi dëshmitarë që na kanë rrahur, familjarë, shoqëri, nuk dua të dëgjoj gënjeshtra që jam hakmarrë për prishje fejese dhe që jam larguar unë nga miqtë e vjetër më largoi familje, më mbyllje FB e të gjithë.
