Thellohet skandali me rimbursimet e barnave. Nuk janë 4 farmaci që kanë abuzuar me skemën e rimbursimit të ilaçeve siç pretendojnë drejtuesit e Fondit të Sigurimeve Shoqërore, por janë edhe 28 farmaci të tjera të përfshira në këtë skandal. Dy muaj pas nisjes së hetimeve lidhur me abuzimet e farmacive në rimbursimin e barnave, njësia hetimore Task-Forcë pranë Prokurorisë së Tiranës ka zbuluar dhe 28 farmaci të përfshira në këtë skandal.
Pas hetimeve të kryera dhe evidentimit të farmacive që janë pjesë e skemës së mashtrimit, grupi hetimor i Task-Forcës ka sekuestruar disa praktika që lidhen me skandalin e rimbursimit, ndër të cilat 28 farmacitë e dyshuara për përfshirje në skemën e rimbursimit, si edhe mbi 600 receta fiktive. Sipas grupit hetimor,shumica e këtyre 600 recetave janë për ilaçet e sëmundjeve të rënda kancerogjene.
Thellohet skandali i rimbursimit të barnave, 28 farmaci pjesë e skemës së mashtrimit
