Çmimet e larta të tregtimit të naftës në vendin tonë e kanë bërë Shqipërinë të renditet e nënta në Evropë për sa i përket shtrenjtësisë së karburanteve. “Fuel Prices”, e cila publikon në mënyrë të përditësuar çmimet e naftës dhe benzinës në shtetet europiane, e rendit Shqipërinë si një 9 nga vendet ku qytetarët paguajnë më shtrenjtë një litër karburant.
Kështu sipas tabelës së publikuar gjatë ditës së premte, një litër naftë në Shqipëri tregtohet mesatarisht 184 leke, ndërsa një litër benzinë 185 lekë. Krahasuar me vendet e rajonit, Shqipëria renditet dukshëm e para për nga shtrenjtësia e naftës.
Kosova renditet në vendin e 27 me një çmim prej 1,1 eurosh, ndërsa Maqedonia rezulton me çmimin më të ulët në rajon me 0,8 euro. Shqipëria qëndron shumë pranë vendeve me ekonomi shumë herë më lartë, si Danimarka dhe Zvicra.
Sipas tabelës, vendi me çmimin më të shtrenjtë është Mbretëria e Bashkuar, me 1,5 dhe 1,6 euro respektivisht për naftën dhe benzinën. Pas saj renditen Izraeli, Norvegjia, Italia, Zvicra, Malta, Islanda dhe Danimarka.
Në Shqipëri një litër naftë në kryeqytet tregtohet me 187 ose 188 lekë për litër ndonëse në tregjet ndërkombëtare, një fuçi nafte ka zbritur në çmime rekord deri në 42.1 dollarë për fuçi.
Në bursa nafta ka ardhur në rënie që nga Janari i këtij viti, duke mos i ka kaluar 62 dollarë për fuçi, ndërsa në Shqipëri kjo rënie nuk është reflektuar duke u tregtuar me të njëjtin çmim, si në kohën kur në bursa një litër naftë tregtohej me 120 dollarë për fuçi.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
