Policia e Vlorës ka arrestuar 4 të rinj nga Shkupi, pasi kanë grabitur një vajzë në Himarë. Sipas policisë, njëri prej shtetasve të arrestuar, 18-vjeçari Jetmir Emini ka goditur me grushte E.S, 25 vjeç dhe më pas i ka marrë nga qafa dy varëse floriri. Përveç tij, në pranga janë vënë edhe shtetasit Nafidan Miftari, 19 vjeç, Nimetulla Ferati, 20 vjeç, dhe Shaip Ferati, 24 vjeç nga Maqedonia, pasi nuk kanë kallëzuar krimin. Ngjarja ka ndodhur në Qafën e Vishës, ndërsa arrestimi i tyre është bërë në Himarë.
Ndërsa Jetmir Emini do të procedohet për veprën penale të “Vjedhjes”, tre shtetasit e tjerë do të procedohen për veprën penale “Moskallëzim i Krimit”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
