Jo vetëm që ka ikur nga shtëpia , por e ka rrahur dhe tradhëtuar, por burri e fal dhe e kërkon gruan të kthehet në shtëpi. Kjo është historia që vjen nga fshati Stan i qytetit të Lushnjes. Bashkëshorti Niko Trimi, babai i tre vajzave të mitura, 7, 5 dhe 3 vjeç, ka disa ditë që ka mbetur vetëm. Ai thotë se gruaja e ka braktisur bashkë me të bijat, ndërsa largimi i saj nga shtëpia nuk është hera e parë. Ai rrëfen se ka tentuar të ikë nga shtëpia tre herë, ku njëherë tentoi të ikë në Greqi, njëherë në Korçë ku e kapi policia, dhe të tretën herë mesa duket e ka realizuar qëllimin e saj për t’u larguar. Kur ajo iku herën e fundit, madje e kishte goditur me një send të fortë. Niko Trimi thotë se nuk ka se kush të kujdeset për vajzat, ndaj i bën apel gruas që të kthehet në shtëpi, pavarësisht atyre që kanë ndodhur.
Sipas 36-vjeçarit, ai është telefonuar të hënën nga një burrë që i është prezantuar si kushëriri i Rajmondës, ndërsa ende nuk dihet se çfarë drejtimi është larguar nëna e tre vajzave.
Ndërkaq, bashëkshorti i saj ka bërë kallëzim penal në Policinë e Lushnjes, e cila ka nisur menjëherë hetimet.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
