Në Kukës janë arrestuar 3 persona për vrasje të mbetur në tentativë.
Personat e arrestuar janë Shpëtim Meçi, dhe dy vëllezërit Besmir dhe Selami Krasniqi . Ngjarja e rëndë është shënuar në fshatin Lomje të Kukësit, ku ka pasur një konflikt mes dy palëve. Vëllezërit Krasniqi janë konfliktuar me vëllezërit Meçi për shkak të një kanali vaditës.
Nga konflikti mes palëve ka mbetur i plagosur rëndë dhe në gjendje kritike për jetën një prej vëllezërve Meçi, Dashmir Meçi, 18 vjeç, si edhe të plagosur lehtë janë shtetasit Besmir Krasniqi dhe Shpëtim Meçi. Personat janë konfliktuar me njëri tjetrin me mjete të forta.
Ndërkohë, policia ka mbërritur menjëherë në vendngjarje dhe ka arrestuar 3 personat ndërsa, njëri prej tyre është dërguar në spital për të marrë ndihmën e shpejtë mjekësore.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
