Ditë e fundit, në lajm për Edi Ramën si “lideri më i gjatë në botë”, po bën xhiron e shfrenuar mediatike. Por kur lajmi “mori dhenë”, mësohet se ai nuk ka qenë asgjë më shumë se një shkrim komik i trajtuar e publikuar si i tillë nga portali shqiptar PostBllok dhe i marrë me shumë seriozitetit nga një sërë mediesh, të shkruara dhe on-line.
Denoncimin e kësaj situate e bënë një nga administratorët e këtij portali, Ergys Mërtiri, i cili shkruan në rrjetet sociale se, “Një mase e madhe mediash, të shkruara dhe on-line, e kanë marrë shkrimin tonë për gjatësinë e Edi Ramës si një lajm duke e botuar si të vërtetë”.
Duke renditur morinë e medieve që servirën këtë lajm, administratori i këtij portali saktëson se “Natyrisht shkrimi ynë ishte komik dhe kishte për qëllim të tallej me mënyrën sesi promovohet qeveria dhe sesi luajnë aktorët politikë në realitetin shqiptar… prandaj dhe drejtohemi nga një klase politike kaq e papërgjegjshme. Gjithçka është po aq e frikshme sa dhe qesharake”.
Shkrimi për Ramën “lideri me i gjatë në botë”, shakaja që u mor dhe u shit si e vërtetë nga mediat
