Dje, me linjën ajrore Rinas-Roma u bë transferimi/ekstradimi në dalje nga ZQK. Interpol Tirana, i shtetasit Italian, Giovanni Indelicato, 52 vjeç, lindur ne Itali dhe banues ne Sicili Itali.
Në datë 29. 04. 2015 Gjykata e Apelit të Palermos me vendimin Nr. 1/2015 në ngarkim të Shtetasit Giovanni Indelicato ka njohur vendimin e dhënë nga Gjykata e Krimeve të Rënda Tiranë më datë 08. 05. 2014 e cila e ka dënuar këtë shtetas me 5 vjet burg për shkelje të rënda të Ligjit Federal mbi lëndët Narkotike.
Ngjarja për të cilën është dënuar shtetasi italian, ka ndodhur në Pikën e Kalimit Kufitar, Kakavije. Më datë 23. 11. 2013 rreth orës 14.45, në dalje të Republikës së Shqipërisë gjatë përpunimit të shtetasve dhe mjeteve në bazë të analizës së riskut u kalua për kontroll të detajuar makina tip “Renault” me targa CC 799 GZ e drejtuar nga shtetasi Italian Giovanni Indelicato 52 vjeç. Nga kontrolli i ushtruar në vijën e dytë në automjetin me këto targa, u konstatuan disa pako të mbështjella me letër natriban e dyshuar si lëndë narkotike e llojit mariuanë, saktësisht 24.4 kilogramë, të fshehura në pjesë të ndryshme të bagazhit dhe parakolpit.
Menjeherë u bë bllokimi i shtetasit dhe u njoftua Sektori i Luftës Kundër Narkotikëve në DPQ Gjirokastër për veprime të mëtejshme procedurale, për veprën penale “Trafikimi i Narkotikëve i parashikuar nga neni 283/a i Kodit Penal”.
Shtetasi italian ju dorëzua oficereve të eskortës Italiane për transferim e tij në drejtim të Italisë për të vuajtur dënimin e mbetur.
Ekstradohet drejt Italisë siciliani i dënuar me 5 vjet burg për trafik droge në Shqipëri
