Kërkimet e fundit të Universitetit të Binghmantonit kanë dalë në përfundime interesante lidhur me ndarjet. Sipas këtij studimi, meshkujt nuk e marrin veten nga një ndarje, në ndryshim nga femrat.
Është e vërtetë që femrat lëndohen më shumë, por kjo zgjat për një periudhë të shkurtër kohore, ndërsa meshkujt nuk arrijnë asnjëherë të “shërohen” plotësisht, thjesht “ecin përpara”.
Për këtë kërkim janë pyetur rreth 5700 vetë në 96 vende të ndryshme të botës. Atyre u është kërkuar të vlerësojnë nga 1 deri në 10 dhimbjen psikologjike dhe emocionale pas një ndarjeje.
Rezultatet kanë treguar se femrat lëndohen më tepër pas një divorci, si në rrafshin emocional e atë psikologjik, por kjo i bën ato edhe më të forta dhe ndikon që ta rimarrin veten, ndryshe nga meshkujt, të cilët nuk arrijnë ta bëjnë këtë asnjëherë.
Sipas të njëjtit kërkim, femrat gjithmonë investojnë më tepër në një lidhje sesa meshkujt.
Divorci… ! Meshkujt e përjetojnë më keq
