Edhe pse ekspertë të ekonomisë dhe Ministria e Financave shpesh kanë folur për paprekshmërinë e ekonomisë shqiptare nga kriza greke, tjetër parashikim jep Guvernatori i BSH. Lidhur me ecurinë e ekonomisë shqiptare ky institucion jep parashikime negative. Kështu, ekonomia shqiptare do të jetë më e dobët në 6-mujorin e dytë të këtij viti. Guvernatori i Bankës së Shqipërisë, Gent Sejko u shpreh për herë të parë se efektet negative të krizës ekonomike greke do të reflektohen edhe në ekonominë shqiptare. Guvernatori i BSH u shpreh se niveli i kredive të këqija është ulur me 2% duke zbritur në nivelin më të ulët të tre viteve të fundit, në 20.8%. Sipas Bankës së Shqipërisë edhe marrja e kredisë së re ka shënuar rritje në tre muajt e parë të vitit.
Kërkesa më e lartë për të marë kredi ka qenë nga individët dhe më pak nga bizneset, sipas tij edhe për shkak të kritereve që vendosin bankat e nivelit të dytë.
Duke marrë parasysh këto zhvillime, Sejko tha se Banka e Shqipërisë la të pandryshuar normën e interesit, në nivelin 2%, për t’iu përshtatur edhe zhvillimeve aktuale të ekonomisë shqiptare.
Guvernatori i BSH, ekonomia shqiptare më e dobët në 6-mujorin e dytë
