Policia ka shoqëruar disa persona që mendohet se kanë dijeni për vrasjen e 73-vjeçarit David Piroli një ditë më parë në Zhejë të Kurbinit.
I moshuari u qëllua me armë mëngjesin e djeshëm në oborrin e shtëpisë së tij teksa kishte dalë të ushqente bagëtinë.
Policia thotë se nuk ka ende asnjë autorë të identifikuar të ngjarjes, por dyshon se krimi është kryer për hakmarrje pasi viktima është babai i Altin Pirolit, 36 vjeçarit që në Mars të vitit të kaluar vrau dy vëllezërit Cara në Laç. Aktualisht 36-vjeçari po vuan dënimin në burgun e Shënkollit.
Gjatë marrjes në pyetje ai ka dhënë disa versione për ngjarjen, çka ka bërë hetuesit të besojnë se ai vuan nga çrregullime mendore.
Kurbin, vrasja e 73-vjeçarit, asnjë gjurmë të autorit
