Do të jenë të pakta shpenzimet në investimet dhe shpenzimet korente, kjo pasi qeveria është më e shtrënguar pas rënies së të ardhurave të buxhetit të shtetit për 6-mujorin e parë të këtij viti. Të dhënat që raporton Ministria e Financave, flasin për një reduktim të planit të ardhshëm, dhe konkretisht 18% më pak në realizimin e investimeve dhe 10% më pak në shpenzimet korente.
Qevria ka shkurtuar shpenzimet me 21.4 miliard lekë për shkak të rënies së nivelit të të ardhurave nga planifikimi i mëparshëm.
Janë disa zëra në buxhetin e shtetit që janë reduktuar, ndër të cilat qeveria nuk ka lënë pa kursyer edhe ndihmën ekonomike, duke e reduktuar këtë zë me 1.1 miliard lekë.
Gjithashtu, të dhënat tregojnë se shlyerja e detyrimeve të prapambetura nuk është realizuar plotësosht, dhe ky është një tregues se ka një tkurrje me 16% krahasuar me planin ambicioz të qeverisë shqiptar.
Edhe pse Ministria e Financave është shprehur se nuk ka reduktim në shpenzimet e planifikuara të buxhetit të shtetit, tabela e treguesve fiskal shpreh se MF ka ka filluar gërshërën në ndihmën ekonomike, pagesën e papunësisë, pensionet e invaliditetit, kompensimin e shtresave në nevojë dhe çdo lloj shpenzimi tjetër me natyrë sociale.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
