Vdekja në miniera ka regjistruar një tjetër viktimë. Këtë herë viktima është edhe një nga teknikët ekspertë të galerive nëntokësore.
Ngjarja ka ndodhur sot në mesditë, ku ka gjetur vdekjen një teknik në minierën e kromit në Vlahen. Viktima quhet Magjun Aliaj, 56 vjeç. Burime bëjnë me dije se viktima ishte duke punuar në një tunel brenda galerisë së minierës dhe dyshohet se ka rrëshqitur nga një lartësi e konsiderueshme. Rrëzimi i ka shkaktuar plagë vdekjeprurëse 56-vjeçarit.
Vetëm pak ditë më parë, në datën 27 korrik në zonën D të minierës së kromit në Bulqizë gjeti vdekjen një minator.
Minierat vrasin përsëri, tekniku rrëshket dhe gjen vdekjen në galeri
