Shkodër, vrasësi me pagesë i arrestuar dje kishte si objektiv një mjek të spitalit

Policia e Shodrës vuri nën pranga shtetasin Osman Malja duke parandaluar vrasjen e një shtetasi tjetër.
Pas një vëzhgimi prej disa kohësh të veprimtarisë së 21-vjeçarit, policia arriti të arrestojë në flagrancë Osman Malja,  në momentin që tentoi të hapë zjarr ndaj mjekut A.T me armën tip kallashnikov të kamufluar në një çantë sporti. Në momentin e ndërhyrjes nga policia, autori ka reaguar, por forcat policore kanë mundur të neutralizojnë situatën dhe arrestojnë shtetasin Malja.
Të dhënat hetimore tregojnë se Osman Malja  kishte si qëllim vrasjen e një mjeku në Spitalin Rajonal Shkodër( Mjekun A.T). Sipas policisë, vrasja ishte e porositur nga burgu, nga shtetasi  Eljon (Esmeraldo) Hato 31 vjeç, i cili ndodhet i arrestuar në ambientet e I.E.V.P. Lezhë, për “Vrasje”.
Policia sekuestroi në cilësinë e provës materiale një armë zjarri automatike me fishek në gojë dhe një krehër me 15 fishekë.
Në kërkim ëshët shpallur dhe një shtetas tjetër, Sh.Rr si bashkëpuntor në përgatitjen, porositjen dhe vrasjen e mbetur në tentativë ndaj mjekut të spitalit të Shkodrës.
Ndërkaq, policia po vazhdon ende hetimin për të zbardhur rrethanat dhe motivet veprës penale “Vrasjes në rrethana të tjera cilësuese kryer në bashkëpunim mbetur në tentative” dhe “Armëmbajtjes pa leje”.

/DRONI.al/