Policia e Shkodrës ka vënë në pranga tre të rinj, pasi gjatë një kontrolli në automjetin dhe në banesën e njërit prej tyre është gjetur një arsenal armësh të cilin ata e mbanin pa leje. Të arrestuarit janë Cesk Guri, R.P nga Shkodra dhe Kristian Botinaj nga Malësia e Madhe.
Në automjetin tip “Seat”, me targe AA 053 GK u bë e mundur sekuestrimi i një automatiku AK-47, me krehër dhe fishekë. Ndërsa gjatë kontrollit të ushtruar në banesën e Kristian Botinaj, policia mundi të gjejë dhe sekusetrojë 1 pushkë 20-she, 1 automatik AK-47 dhe 1 automotik Sharrs. Të gjitha materialet i kaluan Prokurorisë së Shkodrës nën cilësinë e privës materiale.
Të arrestuar
-Cesk Guri, 19 vjeç, banues në Shkodër
-Kristian Botinaj, 21 vjeç, banues në Malësi e Madhe.
-R.P., 17 vjeç, banues në Shkodër.
Arrestohen tre të rinj në Shkodër, mbanin armë pa leje në makinë dhe shtëpi
