Lidhja me një grua të martuar nga Korça, nënë e tre fëmijëve dyshohet të jetë shkaku i vrasjes së të riut shqiptar në Larisa të Greqisë. Një i afërm i Daniel Xhafës, viktima që u gjet i masakruar dhe djegur, rrëfen se çfarë qëndron pas vrasjes së 21-vjeçarit, duke akuzuar bashkëshortin e gruas me të cilin Danieli kishte pasur një histori dashurie.
I afërmi i viktimës rrëfen: “Daniel Xhafa pasi kishte shkuar në Greqi kishte nisur një lidhje dashurie me një grua të martuar , nënë e tre fëmijëve e cila është nga Korça. Lidhja mes tyre kishte pasur probleme dhe i riu kishte kërkuar të ndahej, kërkesë që refuzohej nga gruaja. Ka qenë bashkëshorti i gruas nga Korça, i cili ka gjetur në telefonin e gruas së tij mesazhit që ajo kishte shkëmbyer me 21-vjeçarin Xhafa. Pas kësaj ai kishte kërkuar takim me Daniel Xhafën dhe pasi e ka marrë në makinë e ka dërguar në një zonë të pyllëzuar të Larisës. Aty me ndihmën e një bashkëpunëtori e ka dhunuar barbarisht, e ka goditur disa herë me thikë deri sa i ka shkaktuar vdekjen. Më pas autorët për të humbur gjurmët e kanë djegur trupin e viktimës”.
Por, nuk bëhet ende i ditur identiteti i gruas dhe bashkëshortit të saj që mendohet të kenë lidhje me vrasjen e të riut fierak, i cili u përcoll dje për në banesën e fundit në fshatin e tij të lindjes, në Kuman të Fierit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
