Ministria e Mirëqenies Sociale dhe ajo e Financave ende po diskutojnë ende nëse paga e re minimale do të ndryshojë apo do të mbetet njëlloj. Pas vendimit që mori qeveria për indeksimin e pensioneve me 1.4%, pritet që të merret një vendim lidhur me pagën minimale.
Burime nga Ministria e Financave pohojnë se është Ministria e Mirëqenies Sociale dhe Rinisë ajo që duhet të marrë vendimin për pagën minimale.
Nga ana tjetër, Ministria e Mirëqenis Sociale dhe Rinisë bën me dije se ky institucion i ka dërguar Ministrisë së Financave një MEMO për pagën minimale, nëse kjo e fundit do të ketë apo jo ndryshime. Po sipas Ministrisë së Mirëqënies, nuk ka asnjë informacion nga Ministria e Financave.
Aktualisht, paga minimale për efekt të llogaritjes së kontributeve të sigurimeve shoqërore është 22 mijë lekë, teksa çëshjta nëse do të rritet apo jo është ende në diskutim mes dy ministrive që ia delegojnë njëra-tjetrës këtë detyrë.
Paga e re minimale: Ministria e Mirëqenies Sociale dhe e Financave ia hedhin topin njëra-tjetrës
