Ministria e Financave ka bërë një ndryshim në udhëzimin për procedurat e hapjes së lojërave të fatit, me synim për të shmangur mospagesën e e detyrimeve të prapambetura.
Sipas këtij ndryshimi do të forcohen rregullat për lojërat e fatit, pra asnjë pikë basti, kazino elektronike apo çfarëdo loje fati, nuk mund të hapë pikë të re, nëse nuk ka paguar detyrimet tatimore. Hapja e një pike të lojërave të fatit do të bëhet vetëm nëse në organet përkatëse do të dërgohet një vërtetim për shlyerjen e detyrimeve tatimore. Udhëzimi i mëparshëm i vitit 2009 nuk përcaktonte afatet e kryerjes së pagesave duke krijuar hapësira për abuzim.
Ndryshimi
“Mbështetur në pikën 4 të nenit 102 të Kushtetutës së Republikës së Shqipërisë dhe në zbatim të nenit 10, pika 4, të ligjit nr. 10033, datë 11.12.2008 “Për lojërat e fatit”, të ndryshuar, ministri i Financave, Shkëlqim Cani, ka nënshkruar një ndryshim në udhëzimin nr 5, datë 19.01.2009 “Për procedurat e hapjes dhe mbylljes të sallave të lojërave të fatit, basteve sportive, kazinove elektronike, bingove tradicionale”. Ky ndryshim saktëson se hapja e lojërave të përmendura mund të bëhet vetëm pasi në organet përkatëse të paraqitet edhe vërtetimi për shlyerjen e detyrimeve tatimore”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
