Dy persona janë arrestuar në flagrancë nga Policia e Durërsit dhe një tjetër është në kërkim, pasi gjatë një kontrolli të ushtruar në automjetin tip Golf AA925 HF në pronësi të shtetasit K.B u gjet lëndë narkotike. Të ndaluar janë shtetasit Lavdosh Demrozi 54 vjeç, nga Durrësi dhe Klajdi Arapi 25 vjeç nga Kavaja.
Gjatë kontrollit policia mundi të bllokojë dhe sekuestrojë nën cilësinë e provës materiale 10 kg lëndë narkotike e llojit Cannabis Sattiva; mjeti tip Golf AA925 HF ku u gjet lënda narkotike, në pronësi të shtetasit K.B dhe mjeti tip benz me targa AA 010 EB në pronësi të shtetasit Klajdi Arapi.
Policia është vënë në kërkim të shtetasit K.B i cili u largua me automjetin e Klajdi Arapit, ndërsa makina u gjet në Kavajë.
Të ndaluarit do të procedohen për veprën penale “Prodhim dhe shitje e narkotikëve”në bashkëpunim.
