Policia e Vlorës ka arrestuar një shtetas të shpallur në kërkim një vit më parë për mashtrim. Xhuliano Muço, 20 vjeç, në bashkëpunim me shtetasin SH.N, me anë të mashtrimit , kanë arritur t’i marrin shtetasit B.P, me banim në qytetin e Beratit, një shumë prej 50.000 lekë (të reja). duke i’u paraqitur të dëmtuarit (B.P) si djali i një të afërmi të tij. Shtetasi ndaj të cilit u krye mashtrimi, ndodhej në Greqi në momentin e mashtrimit dhe paratë iu kërkuan nëpërmjet një dyqani Western-Union.
Përmes proçedimit penal të nisur një vit më parë, është bërë e mundur hetimi i 8 personave, anëtarë të një grupi kriminal që kryesohej nga shtetasi SH.N. Nëpërmjet një skeme të mirë-organizuar, këta persona siguronin nr. telefonash të qytetarëve, karta identiteti, dokumenta të ndryshme, informacione mbi këta shtetas dhe u prezantoheshin si familjarë të tyre, dhe më pas ju kërkonin të depozitonin shuma parash që varionin nga 10.000 lekë deri në 50.000 lekë. Pasi i tërhiqnin, falsifikonin edhe firmat e tyre gjatë tërheqjes së parave.
Policia kishte arrestuar më parë 7 persona të këtij grupi kriminal që kryenin aktivitete mashtrimi jo vetëm në qytetin e Vlorës, por edhe në qytete të tjera të Shqipërisë.
Xhuliano Muço është është personi i tetë i arrestuar nga Policia e Vlorës, i implikuar në këtë grup kriminal. Ai u kap në lagjen “Hajro Çakërri” Vlorë dhe ndaj tij është caktuar masa e sigurisë “Arrest në Burg”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
