Nga ana e Sektorit Kundër Narkotikëve, të drejtorisë së Policisë së Qarkut të Beratit, sot, pas një hetimi disa mujor me metoda proaktive , u finalizua operacioni i koduar “Ballolli 2015”, ku si rezultat i këtij operacioni u arrestuan në flagrancë 5 shtetas: Vladimir Selenica, 47 vjeç, banues në Berat, Mario Selamaj, 36 vjeç, banues në Urë Vajgurore, Taro Ahmeti, 25 vjeç, banues në Berat, Shpëtim Xhoxhaj, 35 vjeç, banues në Roskovec dhe Paqësor Selenica, 25 vjeç, banues në Berat.
Njëkohësisht po gjatë operacionit u sekuestruar në cilësinë e provave materiale, 6 thasë plasmas të mbushur me lëndë narkotike te dyshuar mariuhan, me peshë rreth 20 kg, 2 automjete, 16 650 euro, 45.000 lekë të reja, si dhe 6 telefona celular.
Si rezultat i hetimeve te kryera prej disa muajsh me metoda proaktive, ku këta shtetas hetoheshin për veprimtari kriminale në fushën e prodhimit dhe trafikut të lëndëve narkotike, gjatë mesditës së sotme në fshatin Drobonik këta shtetas u arrestuan në flagrancë duket kryer këtë vepër penale.
Në bashkëpunim me Prokurorinë e Rrethit Gjyqësor Berat vijon puna për zbardhjen e plotë të aktivitetit kriminal të këtyre personave.
Materialet i kalojnë Prokurorisë së Rrethit Gjyqësor Berat.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
