Një dyqan ka rënë në flakë gjatë orës 01:30 të ditës së sotme. Shkak i rënies së zjarrit ka qenë një bombol gazi e cila ka shpërthyer duke përhapur flakët në gjithë dyqanin.
Pas shpërthimit të parë janë dëgjuar të shpërthejnë dhe katër bombola të tjera njëra pas tjetrës duke rrezikuar seriozisht dhe pallatin e pushuesve aty pranë.
Nga shpërthimi i flakëve, për fat të mirë ka pasur vetëm dëme materiale. Po kështu, sipas informacioneve mësohet se dyqani ka qenë vetëm 10 metër larg pyllit të Divjakës duke rrezikuar seriozisht gjithë zonën.
Forcat zjarrfikëse bënë të mundur ndërhyrjen në kohë duke neutralizuar plotësisht përhapjen e flakëve. Në vendngjarje mbërritën dhe forcat e policisë të cilët kanë nisur hetimet për zbardhjen e plotë të ngjarjes.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
