Indeksimi i pensioneve qesharak, rritja mjafton vetëm për 1 kg kripë

Të moshuarit janë të pakënaqur me rritjen e pensionit të tyre me mbi 170 lekë dhe mw pak se 340 lekw. Ata e quajnë vendimin qesharak dhe thonë se nuk mjafton për të blerë asgjë në kohën kur kostoja e jetesës së tyre është e lartë. Të pakënaqur me këtë rritje shprehen dhe ish-minatorët

Pensionistët e quajnë qesharak vendimin e qeverisë për rritjen e pensionit në masën mbi 1.4 %.
Ata thonë se me rritje të pensioneve minimale me 170 lekë dhe atyre maksimale deri në 340 lekë në muaj nuk mbulojnë asgjë nga shpenzimet e tyre me medikamente apo ushqime si nevojë bazë për këtë kategori popullate.
Pensionist 1: Kjo ndihmë ndihmon shumë, e di sa ndihmon, sa nuk marrim dot kripën me të.
Pensionist 2: Pensione shumë të vogla, a mund të jetohet me 150 mijë lekë (të vjetra).
Diferenca e pensioneve mes Shqipërisë dhe vendeve fqinje është e dukshme për pensionistët.
Pensionist 3: Një pensionist në Greqi merrte 1400 euro. Kur i kam thënë që marr 80 euro në muaj, ai i ra kokës me grushte. Si jeton, tha.
Të pakënaqur janë dhe ish-minatorët.
Pensionist 1: Unë jam minator me 190 mijë lekë (të vjetra), nuk është turp?
Të moshuarit thonë se kjo rritje minimale tregon mungesë respekti dhe vëmendje ndaj kësaj kategorie.
Pensionist 4: Për të blerë një kg kripë, një kg kripë do blesh, kjo është tallje dmth.

(Ora News TV)

/DRONI.al/