Monedha e përbashkët euro sot ka shënuar rënie në tregun e brendshëm nën 140 lekë, ndërsa dollari nga ana tjetër ka arritur nivelin më të lartë gjatë këtyre dy muajve duke shkuar në 130 lekë. Sipas kursit zyrtar të Bankës së Shqipërisë, një euro është këmbyer sot me 139.78 lekë, 0.24 lekë më pak se fundi i javës së shkuar, ndërsa dollari është këmbyer me 128.93 lekë, pra 0.62 lekë më shumë se e premtja e javës së kaluar.
Këto ndryshime reflektojnë lëvizjet në tregun ndërkombëtar. Kështu, dollari pësoi rritje si rrjedhojë e pritshmërive se SHBA-të do të rrisin normat e interesit, ndërsa euro gjatë periudhës së fundit të korrikut dhe fillimit të gushtit është shoqëruar me një rënie si rrjedhojë e rritjes së prurjeve të euros nga turistët dhe emigrantët.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
