Pas arrestimit te bujshëm te 9 punonjësve të Sektorit të Verifikimit në Terren, në Drejtorinë Rajonale të Tatimeve Shkodër dhe shpalljen në kërkim të një tjetri, tashmë çështja është në duart e gjykatës.
Këtë të shtunë, 8 inspektorët dhe përgjegjësja e sektorit dolën përpara trupës gjykuese për t’u njohur me masën e sigurisë.
Provat e paraqitura nga prokurori i çështjes gjetën kundërshtimin e avokatëve mbrojtës. Ata kërkuan ndarjen e provave për çdo inspektor që të dihet përgjegjësia individuale, pasi nuk mund të kërkohet ngritje akuze dhe dënim me prova përgjithësuese.
Kërkesa e avokatëve u pranua nga trupa gjykuese e Gjykatës së Shkallës së parë në Shkodër, gjë që solli shtyrjen e marrjes së vendimit për 9 të akuzuarit.
Prokurori i çështjes duhet të ndajë provat, të cilat sipas avokatëve mbrojtjes janë të pamjaftueshme për të akuzuar dhe dënuar klientët e tyre. Pas këtij zhvillimi në seancën gjyqësore, pritet që vendimi me shumë gjasa të jepet pas 24 apo 48 orësh për 9 punonjësit e tatimeve në Shkodër.
Për më shumë mund të lexoni edhe …
/web/Arrestohet_gjysma_e_hetimit_tatimor_ne_Shkoder_4812_1.php
… Edhe …
Si edhe …
/web/9_nyjet_e_skemes_korruptive_ja_pse_u_arrestuan_9_tatimoret_e_Shkodres_4820_1.php
