Operatori i Shpërndarjes së Energjisë Elektrike njofton se 10 korriku është afati i fundit qe 5000 biznese ne bregdet kanë për të shlyer detyrimet e prapambetura të energjisë elektrike. Në të kundërt pas kësaj date do të nisë ndërprerja masive e energjisë elektrike.
Sipas OSHEE bëhet fjalë për biznese që deri tani nuk kanë gjetur mirëkuptimin për të përdorur skemën lehtësuese të pagesës me këste të energjisë të ofruar nga qeveria, por as nuk kanë paguar faturat korente. Në total numri i bizneseve debitore në bregdet është 7000 mijë dhe vlera e papaguar e detyrimeve të energjisë elektrike kap shifrën e 1 miliardë lekëve.
Dy muaj më parë Operatori i Shpërndarjes nisi aksionin në bregdet për ndërprerjen e energjisë elektrike për bizneset dhe deri me tani i është ndërprerë energjia për 2000 të tillë. Drejtori i OSHEE Adrian Çela tha se afrimi i sezonit turistik nuk do të ishte një justifikim për pronarët e bizneseve në bregdet për të mos shlyer borxhet ndaj OSHEE.
Por pas ndërprerjeve graduale që kanë vijuar prej dy muajsh OSHEE ka vendosur një afat, që pas datës 10 korrik asnjë biznes që nuk ka paguar, nuk do të ketë mundësi të përdorë energjinë elektrike edhe pse është sezon turistik.
Aktualisht për bizneset është në funksion një skemë lehtësuese për të paguar energjinë elektrike me këste me një shtrirje në kohë deri në vitin 2017 në varësi të llojit të biznesit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
