Prokuroria e Durrësit ka vendosur sekuestro paraprake për disa pasuri të familjes Tepshi, pjesëtarë të së cilës u arrestuan në kuadër të operacionit “Ricarica 2013”.
Burime zyrtare bëjnë të ditur se janë nën sekuestro 8 apartamente, një vilë, një lokal dhe një pikë karburanti, të regjistruar në emër të disa anëtarëve të kësaj familje, të dyshuar nga autoritetet italiane si pjesëtarë të një organizate kriminale, të përfshirë në trafikun e lëndëve narkotike në Itali.
Krahas masës së arrestit, Prokuroria i kërkoi sot gjykatës leje për të vendosur këtë sekuestro mbi pasuritë e personave të arrestuar, me dyshim se mund të jenë të prejardhura nga veprimtaria e dyshuar kriminale në Itali.
“Gjatë ditës së sotme (datë 09. 07. 2015), gjykata e Durrësit, me kërkesë të Prokurorisë, ka vendosur masën e sigurisë ‘arrest me burg’ për 6 shtetasit e dyshuar nga autoritetet italiane si pjesë e kësaj organizate kriminale. Kjo masë është vendosur në pritje të materialit të plotë nga ana e autoriteteve italiane për ekstradimin e tyre në Itali. Paralelisht me masat e sigurisë, Prokuroria e Durrësit ka marrë lejen nga gjykata për të vendosur sekuestro preventive mbi pasuritë e shtetasve të arrestuar, me dyshimin e arsyeshëm se mund të jenë të prejardhura nga veprimtaria e dyshuar kriminale në Itali”, thuhet në njoftimin e Prokurorisë.
Gjatë të enjtes, Prokuroria ka vendosur sekuestro preventive në pasuritë e regjistruara në këta persona në Zyrën Vendore të Regjistrimit të Pasurive të Paluajtshme, si edhe në llogaritë bankare të tyre në bankat e nivelit të dytë.
Për më shumë mund të lexoni edhe …
/web/Durres_arrestohen_6_persona_te_shpallur_ne_kerkim_nga_Italia_per_krime_dhe_trafiqe_4442_1.php
Si edhe …
/web/Durres_gjykata_vendos_arrest_ne_burg_per_biznesmenet_e_kokaines_4528_1.php
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
