Një 20-vjeçar belg është arrestuar, si autor i dyshuar i vrasjes së studentit shqiptar Xhuliano Brahimllari, trupi i të cilit u gjet pa kokë, këmbë dhe duar në një çantë në mes të pyllit. Policia belge ka shpallur në kërkim dhe një shtetas të Republikës së Maqedonisë.
Zhvillimet pozitive rreth hetimeve për vrasjen e 22-vjeçarit nga fshati Dukas i Fierit, erdhën së fundmi, kur gjyqtari Colette Calewaert lëshoi një urdhërarrest natën e së enjtes mes së premtes në ngarkim të shtetasit Vincent D., një banor i Brukselit, i moshës rreth 20 vjeç.
Hetimet nisën pas përgjimit të telefonit të tij dhe një personi tjetër me emrin Denis, i cili besohet se është shtetas nga Maqedonia dhe pas ngjarjes është kthyer në vendin e tij.
Viktima, Xhuliano Brahimllari është vrarë në një apartament në Bruksel, por shkaku i vdekjes së tij është ende i pa përpcaktuar.
Në shtëpinë e Vincent D. u gjet një sasi e vogël droge, por që ishin një sasi e parëndësishme. Vincent D. ka mohuar autorësinë e vrasjes, megjithëse nuk ka bindur në thëniet e tij.
Sipas të dhënave të marra nga telefoni, pasditen e 7 qershorit Xhuliano Brahimllari ka pasur kontakte me Vincent D. Në 24 orët e fundit ata kanë pasur kontakte të shumta me njeri tjetrin. Megjithatë sipas Vincent D. kontaktet e tyre kanë qenë normale.
Vincent D. ka pranuar se një natë para krimit ka qenë në apartament së bashku me Xhuliano Brahimllarin dhe Denis por nuk ka pranuar autorësinë e vrasjes.
Nga hetimet duket e sigurt se viktima ka vdekur në një apartament në Bruksel. Trupi u masakrua më pas, por vetëm trungu u gjet. Ende nuk ka asnjë gjurmë e kokës dhe gjymtyrëve.
Hetuesit kanë saktësuar se i pranishëm në banesën në Bruksel ishte edhe Denisi, një shtetas maqedonas.
I kontaktuar nga “Lavenir”, Thomas Deshamps, avokati i të akuzuarit, nuk pranoi të komentojë. Trupi i të ndjerit u gjet në një valixhe sportive, pa kokë, këmbë e duar nga disa punëtorë. Hetuesit e identifikuan nga një tatuazh me një zambak dhe me inicialet e prindërve. Mediat belge shkruanin se prej kohësh Xhuliano kishte pasion politikën. Ai ishte student në vitin e parë për Juridik dhe Kriminologji dhe jetonte prej vitesh në Belgjikë. Kur ishte 18 vjeç u ndalua, pasi rrahu shokun e tij me shkop bejsbolli. Vitin e kaluar u akuzua për kanabis, por më pas u la i lirë.
Belgjikë, arrestohet autori masakrimit të 22 vjeçarit shqiptar, në kërkim edhe një maqedonas
