Një kompani për prodhimin e tubave dhe profileve në Durrës është sekuestruar nga banka Societe Generale pasi nuk mundi të shlyente kredinë sipas marrëveshjes. Borxhi ndaj bankës çon në sekuestrimin e tokave dhe ndërmarrjes së njërës prej kompanive më të mëdha të vendit në fushën e prodhimit të tubave dhe profileve metalike, lajm tronditës për botën e biznesit, shkruan dyrrah.
Ankandi për shitjen e saj nga banka zhvillohet në Tiranë dhe vlera e saj pritet të shkojë deri 1.3 milionë dollarë. Më 6 tetor 2014, gjykata e rrethit gjyqësor Durrës, ka pranuar kërkesën e bankës së nivelit të dytë “Societe Generale Albania” sha, për titullin ekzekutiv kontrate për dhënie kredie kufi më 20 mars 2008. Shoqëria është regjistruar më 21 nëntor 2000. “
Fabrika përpunon dhe tregton të gjitha llojet dhe formatet e llamarinave të prodhuara në të nxehtë dhe në të ftohtë, me spesorë 0.30-mbi 100 mm. Sot është një nga kompanitë më të mëdha të vendit në fushën e prodhimit të llamarinave me profil trapezoidik, tubo të salduar rrethorë, katrorë e drejtkëndorë, profile me imitim tjegulle, me gjatësi deri në 12 metra. Disponon 10 mijë metra katrorë magazina dhe mjedise prodhimi si dhe 15 mijë metra katrorë sheshe.
