Burime të drejtorisë së Policisë së Qarkut të Durrësit, bënë të ditur se nga Specialistët kundër Krimit Ekonomik dhe Financiar në Komisariatin e Policisë Durrës në bashkëpunim me Prokurorinë e Rrethit Gjyqësor Durrës, pas një hetimi disa mujor, u bë e mundur ndalimi i shtetasit, Bardhyl Xhakollari, 52 vjeç, banues në Durrës.
Sipas të njëjtave burime, mësohet se ky person u ndalua pasi i kishte premtuar shtetasit D. B., 37 vjeç, banues në Durrës, se do ndërhynte për të punësuar bashkëshorten e tij si mësuese, kundrejt pagesës prej 3000 euro.
Gjykata e Rrethit Gjyqësor Durrës, me vendimin Nr. 276/3, datë 23. 06. 2015 ka caktuar masën e sigurisë “arrest në burg”për veprën penale, “ushtrim i ndikimit të paligjshëm ndaj personave që ushtrojnë funksione publike”.
Durrës, premtonte punësim si mësuese kundrejt shumës 3000 €, prangoset 52-vjeçari
