Kryeministri dhe kryetari i PS-së, Edi Rama, vetëm pak minuta pas daljes së shefit të opozitës, dha deklaratën e parë pas votimeve duke thënë se zgjedhjet lokale kanë qenë më të mirat që vendi ka zhvilluar në këto 25 vite. “ Dua të ndaj me ju krenarinë për zgjedhjet me të qeta më të lira më të ndershme që kemi zhvilluar ndonjëherë. Problemi zgjedhor ishte pa probleme serioze kudo. Qeveria bëri që të mos mbyllje asnjë shkollë për mitingun e kryeministrit, të mos lejojë administratën të futej në mitingje sic ndodhte deri në 2013, apo të fotografonte votën, të mos implikohej asnjë forcë xheniere e ushtrisë për të hedhur cakull elektoral, apo mbështetje e policisë për të fortin e fshatit që të bënte presion për vota”, tha Rama.
Nga ky proces Shqipëria ka dalë më e denjë, tha ai. Është ky momenti që numërimi për këshillat bashkiakë të kryhet me të njëjtën ndershmëri. Koha kur votat jepeshin në tavolinë ka marrë fund.
Në vijim Rama tha se dua të falënderoj vëzhguesit ndërkombëtarë dhe vendore, posacërisht ambasadorin e SHBA dhe atë të BE. Nuk do të flemë për këtë sukses të ri për Shqipërinë por do të shohim me vëmendje cdo rekomandim. Ka nevojë për përmirësim , ne do ta bëjmë.
Me 21 qershor ka lindur një Shqipëri e re,e gjeneratë tjetër me 61 bashki në vend të 400 të tilla. Organizimi shtetëror nuk i ndan më në fshat dhe qytet. Jam krenar që ne bëmë të mundur këtë ndryshim historik. Referendumi i PD kundër reformave të qeverisë ka humbur edhe më thellë se sa pritej, tha ai. Shqiptarët duan vazhdimin e reformave për të bërë shtetin modern. 21 qershori është një shtysë e re për reforma. Me këto zgjedhje aleanca është ngarkuar me një përgjegjësi të re. Na kanë ngarkuar të qeverisim shifrën më të lartë të njësive vendore, 75% të bashkive, 80 % të popullsisë.
Rama ftoj edhe PD që ti bashkohet qeverisë në vijimin e reformës territoriale. Deri në fund të vitit do të bëhet gati paketa e funksionimit të bashkive për një decentralizim real. Duam ta bëjmë bashkë me opozitën, tha ai. Pjesëmarrja është e madhe dhe ky është mesazh drithërues pasi kuptova cfarë kapitali të madh besimi ju investuat tek ne pavarësisht shumë probleme për shumë nga ju, tha Rama, duke njohur me këtë rast edhe problemet që ka lindur tek qytetarët reforma e qeverisë.
