Deputeti i PD-së, Kastriot islami ka kërkuar që PD të nisë menjëherë procedimin penal ndaj KQZ e cila ka lejuar votimin në burgje për rastin e zgjedhjeve lokale kur kjo është e ndaluar më ligj për shkak se të burgosurit nuk janë të lidhur me zonat zgjedhore ku janë të vendosura burgjet. Në të gjithë vendin numërohen rreth 4000-5000 të burgosur, cfarë do të thotë se në disa bashki votat e tyre janë me ndikim në rezultatin final, vecanërisht atje kur rezultatet janë të afërta.
Në fakt ne votime kane marre pjese (pa llogaritur Lezhen dhe Fushe Krujen) 2310 te paraburgosur dhe te denuar, sipas Drejtorisë së Pergjithshme të Burgjeve. Ne IEVP Rrogozhine nuk eshte zhvilluar procesi i votimit. Ne total, jane ngritur 19 qendra te posacme votimi. Nuk u hap qender votimi ne Kavaje, qe eshte institucion me minorene dhe Tropoje, ku numri i votuesve te paraburgosur dhe te denuar ishte me pak se 15. Nuk dihet pse Drejtoria e Burgjeve nuk ka raportuar numrin e votuesve në burgun e Lezhës dhe të Fushë-Krujës.
PD ndërkohë ka denoncuar në disa raste përdorimin e administratës së burgjeve për të ndikuar votën e të burgosurve. Deputeti i PD-së në Lezhë, Aldo Bumci deklaroi sot se kandidati i LSI-së në këtë bashki, Viktor Tusha, ka vizituar burgun e Lezhës gjatë procesit të votimit.
Drejtoria e burgjeve drejtohet nga LSI. Vetë drejtori i këtij institucioni, është fotografuar duke bërë fushatë me kandidatët e LSI-së në zonat ku janë përfshirë burgjet.
Hapja e një procesi gjyqësor për votimin të burgosurve vë në diskutim rezultatin nëse diferenca mes kandidatëve është më e vogël se sa votat që kanë ardhur nga burgjet.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
