Deputeti i Lezhës, Aldo Bumci, ka hedhur poshtë të gjitha akuzat e Monika Kryemadhit lidhur me incidentin që ajo deklaroi në një fshat të Lezhës. Unë shpreh përbuzje , neveri për akuzat e zonjës Kryemadhi, tha ai. Askush në Shqipëri nuk beson se nga makina e Bumcit dalin kriminelë, armë dhe lekë. I kërkojmë prokurorisë të konfirmojnë ngjarjen. Shpresoj që kjo ngjarje të mos përdoret për terror në Lezhë dhe po ndërtojnë skenar për tension. LSI dhe Tusha janë plotësisht të humbur, tha deputeti Bumci.
Policia nuk ka konfirmuar deri tani se ka pasur incident, tha ai dhe ne e kemi pyetur. Sonte ka një aksion masiv për shpërndarje lekësh në Zadrime, Balldre. Kjo po bëhet që të hiqet vëmëndja. Por këtë shpërndarje e di gjithë Lezhë. Akuzat janë të ndyra, dhe asnjë lloj mashtrimi e manipulimi nuk e devijojnë votën në Lezhë, përfundoi bisedën telefonike Bumci me studion e neës 24 dhe gazetaren Eni Vasili.
Gjatë një bisede telefonike po me këtë televizion, Monika Kryemadhi akuzoi deputetët e PD-së se po tensionojnë situatën në Lezhë dhe se njerëz të armatosur dhe kontigjentë të policisë lëvizin me makinat e tyre. Kryemadhi e cila drejton fushatën në Lezhë për kandidatin e LSI-së Viktor Tusha, tha se banorët atje janë shumë të varfër dhe se PD nuk e ka qarë ndonjëherë hallin e tyre. Kryemadhi ndër të tjera dhe sa personi që qëlloi Tonin Fizi është ndaluar nga policia. Nga biseda e deputetes së LSI u qartësua se krismat nuk kishin shkaktuar ndonjë dëm.
