Polica ka shoqëruar sot 7 studentë në ambientet e izolimit të Komisariati Nr. 2 në Tiranë, nën preteksitin se protestuan pa leje, kundër ligjit për arsimin e lartë.
Sipas burimeve të policisë, mësohet se të rinjtë janë shoqëruar pasi kanë përfunduar tubimin para zyrave të Kuvendit, ku kërkuan të mos miratohet ligji i ri për arsimin e lartë.
Sipas policisë, studentët nuk kishin njoftuar Policinë për tubimin që do të mbanin e në këto kushte janë shoqëruar për të dhënë deklarime në lidhje me organizimin e tubimit.
Pas këtyre veprimeve, ata janë lënë të lirë nga komisariati i policisë nr. 2.
Studentët protestuan sërish sot, për të disatën herë duke kundërshtuar reformën e arsimit të lartë e cila hyn në fuqi për studentët që nisin studimet në vitin akademik 2016- 2017.
Studentët e shoqëruar
1- Viki Cipi
2- Alfred Bushi
3- Klodi Hoxha
4- Klodi Leka
5- Bora Mema
6- Liri Kuci
7- Klaudia Koxha
