Policia identifikon autorët e vrasjes së tre pjesëtarëve të familjes Çeku në Thumanë. Sipas policisë lokale, mësohet se autorë e dyshuar janë vëllezërit Kora, Pëllumb dhe Daniel dhe babai i tyre, Guri Kora.
Policia ka sqaruar se shkak për ekzekutimin në pritë është bërë një konflikt mes dy familjeve, i ndodhur rreth një muaj më parë, për arsye që ende pritet të qartësohen.
Autorët ende nuk janë ndaluar nga policia, ndërsa mësohet se rreth 200 forca policia marrin pjesë në operacion për ndalimin e tyre, që prej mesnatës.
Gjithçka që dihet deri tani, ka të bëjë me një konflikt vetëm 30 minuta para midis viktimës Arben Çeku dhe njëri prej vëllezërve Kora, brenda në një lokal. Ndërsa mësohet gjithashtu se sherri duket se ka nisur një muaj më parë për motive të dobëta.
Sipas policisë, ngjarja ka ndodhur rreth orës 23:40, të natës së kaluar. Viktimat kanë qenë te një i afërmi për darkë deri në orët e vona dhe po ktheheshin në këmbë për te banesa e tyre.
Policia e Durrësit bëri të ditur se viktimat janë shtetasit Fran Çeku, 79 vjeç, djali i tij, Arben Çeku, 44 vjeç dhe nipi i tyre 20-vjeçar, Enea Rama. E plagosur ka mbetur shtetasja Luçe Çeku, 66 vjeçe, e cila është bashkëshortja e 79-vjeçarit.
Viktimat
Fran Çeku – 79 vjeç, i vrarë
Arben Çeku – 44 vjeç, i vrarë
Enea Rama – 20 vjeç, i vrarë
Luçe Çeku – 66 vjeçe, e plagosur
Autorët e dyshuar
Pëllumb Kora
Daniel Kora
Guri Kora
Për më shumë mund të lexoni edhe …
/web/Kruje_pas_sherrit_banal_3_te_vrare_dhe_1_i_plagosur_3113_1.php
