Italiani te vrasja në Bulevard, vrasës me pagesë i kontraktuar nga Sulku

Italiani i plagosur sot përgjatë përleshjes së përgjakshme në bulevardin kryesor të Tiranës dyshohet të jetë vrasës me pagesë. Ai quhet Salvatore Leticia dhe pas plagosjes është fshehur në një hotel afër vendit të ngjarjes si dhe ka tentuar të zhdukë provat që e implikonin në këtë vrasje të shumëfishtë. Gjatë kontrollit nga policia i kanë gjetur në xhep fotot e Mentor Lufit dhe Gerti Goxhajt. Ai ka marrë pjesë sëbashku me Sulkun sipas dëshmive paraprake në vrasjen e dy personave të tjerë. Ndërsa Sulku është qëlluar me armë nga nipat e Lufit, italiani vetëm sa është goditur nga makina me të cilën udhëtonin dy nipat e Lufit, duke i shkatuar dëmtime në trup dhe gjakosje në fytyrë.
Policia ka arrestuar të parin që lidhej me ngjarjen Markelian Docin, i cili është zënë nga policia me armë në dorë jo shumë larg vendit ku ndodhi krimi i rëndë.