Zbardhet vendimi 53 faqesh i pafajësisë së ish-drejtorit të Tatimeve Ismail Muça

Zbulohet vendimi i pafajësisë së Ismail Muçës, i cili sot u prangos sërish nga policia.
Ky vendim është marrë nga Gjykata e Rrethit Gjyqësor Tiranë në datën 5 maj, pas 11 seancash gjyqësore, të nisura që prej nëntorit të vitit 2014.
Sipas këtij vendimi, 53 faqesh,  jo vetëm që ish-drejtori i Tatimeve, merr pafajësinë, por ndaj tij hiqet edhe masa e sigurisë, duke ju rikthyer liria.

Vendimi

                                                 

REPUBLIKA E SHQIPERISE
GJYKATA E RRETHIT GJYQESOR
TIRANE
___________________________________________________________
Nr.  456 AKTI     NR. 1472 VENDIMI

V E N D I M
“NE EMER TE REPUBLIKES”

Gjykata e Rrethit Gjyqësor Tiranë e përbërë nga gjyqtarët:

SHEFKIE DEMIRAJ          – Kryesuese
ARTAN GJERMENI             –  Anëtar
TEREZA LANI (MERKAJ)  – Anëtare

Asistuar nga sekretare gjyqësore Pandora Gjini, sot në Tirane, datë 05.05.2015, mori në shqyrtim në seancë gjyqësore publike, me pjesëmarrjen e Prokurorisë se Rrethit Gjyqësor Tirane,  përfaqësuar nga Prokurori Dritan Rreshka, çështjen penale në ngarkim të:

Të pandehurit:          
Ismail Muça, i biri i Mehmetit dhe i Xhumajes, i datelindjes 25.04.1969, lindur dhe banues ne Tirane, Rruga “Don Bosko”, pallati “Ndregjoni”, Apartamenti 4, Shkalla 4, i martuar,me arsim te larte, i padënuar me pare, i proçeduar ne hetim dhe gjykim me masen e sigurimit personal “arrest ne burg”, i deklaruar ne mungese ne gjykim,  i mbrojtur nga Av. Ilir Murati, me Nr.1260 liçence,  dhe nr Nipti nr K 61912001V anetar i Dhomesse Avokatise Tirane, i zgjedhur nga i pandehuri me prokuren e Posaçme Nr.376 Rep., Nr.140 Kol., date 24/02/2015.

Akuzuar: 
Për kryerjen e veprave penale “Vjedhja duke shperdoruar detyren, kryer ne bashkepunim”, “Falsifikimi i dokumentave,  kryer ne bashkepunim” dhe te “Pastrimit te produkteve te vepres penale ose aktiviteteve kriminale”, te parashikuara nga nenet 135, 25, 186/2 dhe 287/1 te Kodit Penal.

Gjykata ne perfundim te  gjykimit  pasi administroi provat, degjoi palet qe perfundimisht kerkuan:

Prokurori:
1. Deklarimin fajtor te te pandehurit Ismail Mehmet Muça per vepren penale  «Vjedhja duke shperdoruar detyren »,  kryer ne bashkepunim, te parashikuar nga nenet 135 dhe 25 te Kodit Penal dhe denimin e tij me 10 (dhjete) vjet burgim.
2. Deklarimin fajtor te te pandehurit Ismail Mehmet Muça per vepren penale te « Falsfikimit te dokumenteve » te kryer ne bashkepunim, te parashikuar nga neni 186/2 i Kodit Penal dhe denimin e tij me 2 (dy) vjet burgim.
3. Deklarimin fajtor te te pandehurit Ismail Mehmet Muça per vepren penale te « Pastrimit te produkteve te vepres penale ose veprimtarise kriminale », te parashikuar nga neni 287/1 i Kodit Penal dhe denimin e tij me 5 (pese) vjet burgim.
4. Ne zbatim te nenit 55 te Kodit Penal denimin perfundimtar te te pandehurit Ismail Mehmet Muça me denimin me te rende te shtuar me 14 (katermbedhjete) vjet burgim.
5. Vuajtja e denimit per te pandehurin Ismail Mehmet Muca te behet ne nje burg te sigurise se mesme.
6. Bazuar ne nenin 39 te Kodit Penal heqjen e se drejtes se ushtrimit te nje profesioni ose te nje veprimtarie per te pandehurin Ismail Mehmet Muça  per nje periudhe prej 5 (pese) vjetesh.
1. Shpenzimet proceduriale t’i ngarkohen te pandehurit sipas permbledhjes se bere gjate hetimeve paraprake.

Mbrojtesi i te pandehurit av Ilir Murati:
Deklarimin e pafajshem te te pandehurit Ismail Muca, per kryerjen e veprave penale te “Vjedhjes duke shperdoruar detyren”, “Fallsifikimi te dokumentave” dhe “Pastrimit te produkteve te vepres penale”, te parashikuara respektivisht nga nenet 135, 186/2, 287 dhe 25 te K.Penal, per shkak se nuk provohet fajesia ne ngarkim te tij.

Gjykata, pasi dëgjoi parashtrimet e palëve në seancë gjyqësore dhe si shqyrtoi në tërësi provat e marra në gjykim në lidhje me çështjen objekt- gjykimi,

VENDOSI

• Deklarimin e pafajshem të të pandehurit Ismail Muça për kryerjen e veprave penale “Vjedhja duke shperdoruar detyren, e kryer ne bashkepunim”, “Falsifikimi i dokumentave, kryer ne bashkepunim” dhe “Pastrimi i produkteve te vepres penale ose aktiviteteve kriminale”, te parashikuara nga nenet 135, 25, 186/2 dhe 287/1 te Kodit Penal.
• Ne mbeshtetje te nenit 389 te K.Pr.Penale deklarohet heqja e mases se sigurimit personal “Arrest ne burg”, caktuar te pandehurit Ismail Muça me vendimin penal Nr.1240 Akti, date 05/11/2013 te Gjykates se Rrethit Gjyqesor Tirane.
• Shpenzimet proçeduriale hetimore dhe ato gjyqesore te parapaguara nga shteti lihen siç jane bere.
• Kunder ketij vendimi mund te behet ankim ne Gjykaten e Apelit Tirane brenda 10 diteve, duke filluar ky afat nga dita e neserme e shpalljes se tij.
U shpall ne Tirane, sot me date 05.05.2015

   GJYQTARE            GJYQTAR                    KRYESUESE
TEREZA MERKAJ       ARTAN GJERMENI             SHEFKIE DEMIRAJ

SEKRETARE
PANDORA GJINI

Për më shumë mund të lexoni edhe …
/web/Gafa_e_policise_arreston_ish_drejtorin_e_Tatimeve_pasi_gjykata_i_kishte_dhene_pafajesi_2450_1.php

/DRONI.al/