Arrestohen dy djemtë e Rrapush Xhaferrit.
Polica e Tiranës bëri të ditur se janë arrestuar Pëllumb dhe Petrit Xhaferri, pasi nën akuzën “vjedhje me anë të mashtrimit” dhe “vjedhje me anë të krijimit të firmave piramidale”, dy vëllezërit ishin dënuar nga gjykata e Shkallës së Parë e Tiranës, respektivisht me 10 dhe 9 vite burg.
Rreth 11 vjet më pare, Gjykata e Shkallës së parë e Tiranës pushoi gjykimin ndaj Rrapush Xhaferrit për shkak të vdekjes së tij. Ndërsa tre djemtë e tij u dënuan me 28 vjet burg në total, por vetëm Asllan Xhaferri kreu dënimin e tij. Mësohet se dy vëllezërit e tij, pëllumbi dhe Petriti prej më shumë se 16 vitesh ishin në kërkim nga shteti shqiptarë, për të shlyer borxhet dhe dënimin e tyre ndaj rreth 1 milion e 200 mijë shtetas të cilët kishin depozituar shuma të konsiderueshme në fondacionin “Xhaferri”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
