Ali Ahmeti tregon negociatat me grupin e Kumanovës: “Aman se u dogjëm të gjallë”
Kryetari i BDI-së Ali Ahmeti në një intervistë për gazetarin Muhamet Zekiri tek Alsatm ka treguar se si është kontaktuar nga pjesëtar të Grupit të Armatosur derisa po vazhdonte lufta në Kumanovë. “Një person i prezantuar si Muhamet Krasniqi më tha se një pjesëtar i këtij grupi është vetëvrarë”, tha Ahmeti. “O aman se u dogjëm të gjallë tani…e pyetëm si e ke emrin, tha Muhamet. Cili Muhamet, tha Muhamet Krasniqi. Sa vetë jeni mbrenda : Tha jemi katër vetë. A ka të vrarë: Tha ka të vrarë katër dhe një është i vetëvrarë”, shpjegoi kryetari i BDI-së.
Ali Ahmeti ka treguar se si ka negociuar dorëzimin e Grupit të Armatosur. “Ka ora 10:20 ka qenë më vjen një porosi në telefon e hapi telefonin e shof derisa jam duke e lexuar i njëjti telefon më bije, po i njëjti numër dhe mendimi im që po paraqitet ndonjë njeri i joni që ndodhet në terren dhe e hapi telefonin dhe mu drejtua mua: Kryetar, jam në vendngjarje të lutem ndihmona”, tha Ahmeti.
Kryetari i BDI-së tha se ka “ është një e pa vërtet me madhe nëse unë them se ata nuk i kam njohur. Kemi biseduar me ta që mos të hynë në këso gjera. Ju kemi thënë se të zbarohet marrëveshja e Ohrit dhe se nuk është qëllim i askujt ndarja e Maqedonisë”, ka thënë ai. Ai ka thënë se takimet e fundit i ka pasur para dy jave. Kreu i BDI’së ka treguar edhe me emra se është para disa here edhe me njerëzit që tani janë vrarë dhe arrestuar në Komunavë. Kryetari i Bashkimit Demokratik për Integrim Ali Ahmeti thotë se nuk e di dhe nuk e kupton atë që ndodhi së fundi në Kumanovë. Tha se nuk e di se a ka civilë të vrarë.
