Ka qënë ide e aktores Ema Andrea për të dërguar në burg disa prej shkrimtarëve dhe poetëve më të mirë të vendit. Prej sot shkrimtarët Besnik Mustafaj, Flutura Açka, Ylljet Aliçkaj, Edmond Tupja, Arjan Leka, Mimoza Ahmeti, Albatros Rexhaj si dhe autorë librash publicistikë si Monika Stafa etj mund ti gjeni ose në burgun 313 të Tiranë, ose në atë të Fushë-Krujës, në Peqin, Rrogozhinë, pse jo edhe në Maliq.
Një projekt i thirrur “Prag” do të mundësojë takimet e drejtpërdrejta të të burgosurve me shkrimtarët bashkëkohorë shqiptarë më të njohur dhe që do të udhëtojnë nëpër të gjitha kampet e sigurisë sëë vendit.
Shkrimtarët e kanë gjetur me mjaft interes idenë si dhe vetë simbolikën e tij, që rreh të theksojë interesat e personave me liri të kufizuar drejt letërsisë dhe krijimtarisë së shkruar në tërësi.
Përpos bisedave mbi veprën e tyre letrare dhe pyetje- përgjigjeve, shkrimtarët do të shpërndajnë edhe disa kopje të veprave të tyre të botuara në vite, që do të qëndrojnë në bibliotekat e burgjeve.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
