Takimi i Lulzim Bashës në Malësinë e Madhe, është pasuar me kontrolle të dhunshme nga efektivë të FNSH-së dhe komisariatit të policisë locale, në banesat e pjesëmarrësve në takimin e zhvilluar nga Partia Demokratike.
Duke bërë publik këtë fakt, PD e konsideron atë një presion të hapur politik kundër opozitës dhe mbështetësve të saj.
Nëpërmjet një deklarate të saj, PD-ja “dënon ashpërsisht raprezaljen e ushtruar sot me urdhër të Edi Ramës pas takimit të kryetarit të Partisë Demokratike në Malësinë e Madhe”.
Duke i kërkuar ekzekutorëve dhe urdhërdhënësve të tërhiqen mejëherë, PD pralajmëron se në të kundërt një ditë përgjegjësit do të japin llogari. PD fton insitucioneve ndërkombëtare të monitorojnë këtë përshkallëzim dhune si dhe i këkron organeve të drejtësisë të hetojnë.
“I bëjmë thirrje ekzekutorëve të këtyre urdhërave të paligjshëm të tërhiqen menjeherë nga ky dhunim flagrant i të drejtave dhe lirive politike të qytetarëve të konsakruara me Kushtetutë. Në të kundërt, i sigurojmë ata individualisht, një për një se dita kur do të japin llogari do të jetë shumë e afërt.
Partia Demokratike i bën thirrje misionit të OSBE-ODIHR, dhe përfaqësive diplomatike të BE dhe SHBA të monitorojnë nga afër këtë përshkallëzim të dhunës dhe terrorit qeveritar. Ne i bëjmë thirrje organeve të drejtesisë të nisin menjeherë hetimet dhe të venë para përgjegjësisë dhunuesit dhe urdhëruesit e dhunës policore”, thuhet në deklaratën e PD-së.
Duke përfunduar deklaratën e saj, PD shton se asgjë nuk mund ta shpëtojë Edi Ramën nga gjykimi popullor i 21 qershorit.
“Edi Rama ky burracak i pashoq i mbërthyer nga paniku i humbjes që urdhëron dhunën e terrorin mbi opozitën përmes banditëve dhe kriminelëve dhe përmes keqperdorimit të Policisë së Shtetit e ka kot. Asgjë dhe askush nuk e shpëton dot nga gjykimi popullor me votë në 21 qershor”, përfundon deklarata e PD-së.
FNSH-ja dhunë dhe bastisje pas takimit të PD në Malësinë e Madhe
