Polumbarët e RENEA-s kanë ndërprerë punën për nxjerjen e trupit të Adam Baron, 26 vjec, nga qyteti Ostrava në Ceki. Nderprerja sipas burimeve të policisë është bërë për shkak te erresires dhe rrezikshmerise se larte qe ka lumi per jeten e polumbareve.
Puna per nxjerrjen e trupit do rifillojë në mengjes.
Polumbaret dhe pse ne rrezik te madh per jeten e tyre kane mundur te identifikojnë vendndodhjen e trupit te viktimes por s’kanë mundur ta nxjerrin dot.
Pavarësisht se burimet zyrtare nuk e thonë, grupi i polumbarëve nuk ka pajisjet e duhura për ndërhyrje të vështira. Mësohet se përgjatë kërkimeve dy polumbarë kanë rrezikuar.
Ndërkohë ngjarja ka ndodhur në orën 13.00 të ditës së sotme dhe deri në 23.00 kërkimet nuk kanë pasë rezultat.
Ambasada ceke në Tiranë ka kërkuar më shumë këmbëngulje dhe shpejtësi për operacionin. Ndërprerja e kërkimeve nuk është pritur mirë prej tyre si dhe kanë pasur ankesa edhe për periudhën e gjatë nga aksidenti deri në vajtjen e trupave speciale.
