Matjet: Shqiptarët sy e veshë tek indjania “Bidai”, bie audienaca e Big Brother

Sipas matjeve të telemetrix publikuar në Monitor, “Bidai”, një telenovelë indiane e një stili të veçantë, që transmetohet në TV Klan çdo ditë në orën 17:00, ka arritur një audiencë rekord në Shqipëri, duke u renditur në programin më të ndjekur në javën në fjalë. Ajo kap një ‘rating’ mesatar prej 28.4%.
“Portokalli” vijon të jetë programi më i ndjekur i Top Channel, me një rating mesatar prej rreth 21%. Por, konkurrenca me telenovelën “Dashuri e ndaluar” në TV Klan ka bërë që emisioni i preferuar i humorit prej vitesh të humbë nga torta e audiencës. Një vit më parë, ai arrinte një rating mesatar prej rreth 30%. Në edicionin e tij të tetë, interesi për “Big Brother” ka rënë. Në javën në fjalë, “Big Brother” kishte një rating prej rreth 16%, larg niveleve prej mbi 30% të arritura në edicionet e kaluara. I katërti në listë është “100 milionë”, i ndjekur nga “Fiks Fare”.
Nga pesë programet më të ndjekura të Klan, tre janë telenovela. “Bidai” mban rekordin, por nuk mbeten pas dhe “Dashuri e diamante” dhe “Shtëpiake të dëshpëruara”, përkatësisht në vendin e dytë dhe të katërt. I treti program më i ndjekur është “E diela shqiptare”, i cili ka arritur të ketë një audiencë të qëndrueshme në vite, përmes formatit familjar dhe të larmishëm, të drejtuar nga Ardit Gjebrea. Në javën në fjalë, në vend të pestë është “Zonë e lirë”, që ka rifituar kryesimin e së premtes, pas terrenit të lirë që i kanë lënë kanalet e tjera (vitin e kaluar ky program konkurrohej fuqishëm nga “Big Brother 7”). Ndonëse ka vetëm pak kohë që ka filluar dhe një patentë e re në vend, “Tu si que vales” është më i ndjekuri në Vizion Plus, me një rating prej rreth 15%. “Al Pazar” është i dyti, me një rating prej rreth 12.5%, larg shikueshmërisë së vitit të kaluar, që arrinte në mbi 20%. Telenovela “Karadayi” vijon të jetë e preferuar, po ashtu dhe “Pasion i rrëmbyer”. Pas “shpërnguljes” nga e diela të martën, shfaqja e humorit “Grand Hotel 2XL” ka arritur të fitojë një rating prej rreth 10%, shumë më lart se të dielën, kur nuk arrinte të konkurronte humorin e Top Channel dhe telenovelën e TV Klan.