Këshilltari i Kryeministrit i cakton detyrat Veliajt: Sheshi “Skënderbej” sipas vizionit të Ramës

Një fitore e mundshëm e Erion Veliajt për bashkinë e Tiranës, do të pasohet me shndërrimin e Sheshit “Skënderbej”.
Një paralajmërim, në formë detyre për kandidatin socialist, e bënë Artan Shkreli, këshilltari i kryeministrit Rama.
Këshilltari i kryeministrit për territorin Artan Shkreli i bindur që kryetar bashkie do të jetë Erjon Veliaj ka bërë gati edhe projektin që do ta shndërrojë këtë shesh, në pedonale
 “Planet e zotit Veliaj janë të ketë një hapësirë këmbësore. Përgjatë kësaj unaze të vogël do të jenë të vendosura dhe parkingjet publike. Programi i Veliajt shkon paralelisht me këtë”.
Artan Shkreli thotë më tej se projekti i Erion Veliaj në Tiranë është një ide e kahershme e kryeministrit Rama që kur ai ishte kryetar bashkie.
“Ky ka qenë dhe vizioni i Edi Ramës kur ka qenë kryetar bashkie. Kemi shembuj të mirë si ato në Shkodër e Korçë”, sqaron më tej Artan Shkreli.
Sheshi “Skënderbej”, në këtë formë që sot ka Tirana u realizua nga kryebashkiaku Lulzim Basha pas një debati të madh që rrëzoi projektin e famshëm me kulla shumëkatëshe në qendër të Tiranës. Por tashmë me zgjedhjet në prag sheshi “Skënderbej” sërish kthehet në laborator të projekteve elektorale të palëve politike.

/DRONI.al/