Pasagjerët e linjës Stamboll – Milano përjetuan momente ankthi mëngjesin e sotëm, kur një nga motorrët e avionit mori flakë pak minuta pas ngritjes për fluturim. Menjëherë pas konstatimit të defektit piloti bëri ulje të detyruar në aeroportin “Qemal Ata Turk” të Stambollit.
Pas uljes në pistë mjetet zjarrfikëse bënë shuarjen e flakëve për të evituar ndonjë shpërthim të mundshëm. Autoritetet turke thanë se shkak për uljen e avionit u bë një defekt në motorin e djathtë.
Avioni i përkiste kompanisë “Turkish AirLines” dhe mësohet se pas riparimit të defektit ka kryer rregullisht itinerarin e fluturimit
Avioni i “Turkish AirLines” merr flakë në ajër
