Kreu i Kuvendit Ilir Meta pranoi sot ekzistencë e vrafërisë në Shqipëri, ndërsa komentoi në mbledhjen e Komitetit Drejtues të LSI-së largimin në masë të shqiptarëve drejt vendeve të BE.
Ndryshe nga Kryeministri Edi Rama apo ministrat e tij, Ilir Meta pohon se varfëria në ato që i cilëson edhe si zona ta pafavorizuara po nxit eksodin drejt vendeve më të zhvilluara të BE-së. Kjo situatë po shfrytëzohet sipas kreut të LSI-së edhe nga organizata kriminale.
Kryetari i Kuvendit thotë se askush në opozitë apo në qeveri nuk duhet ta trajtojë politikisht këtë fenomen, pasi edhe pa dashje ndikon në nxitjen e tij.
Është detyrë e qeverisë dhe mazhorancës të gjejë zgjidhjet e duhura tha Meta duke shtuar se qeverisja ka nevojë të përmirësohet dhe të jetë e hapur ndaj kritikave.
Ai vlerësoi se ky fenomen është manipuluar edhe nga organizata kriminale që duhet të goditen nga organet ligjzbatuese. Sipas Metës, kjo nuk do të thotë se varfëria nuk ekziston, por nuk duhet të harrojmë që varfëria s’është sfidë vetëm shqiptare.
“Për shkak të krizës së zgjatur ekonomike në rajon dhe eurozonë ka tendenca eksodi në drejtim të vendeve më të zhvilluara. Ky fenomen është manipuluar edhe nga organizata kriminale që duhet të goditen nga organet ligjzbatuese. Kjo nuk do të thotë se varfëria nuk ekziston. Është detyrë e qeverisë dhe mazhorancës të gjejë zgjidhjet e duhura. Nuk duhet të harrojmë që varfëria nuk është sfidë vetëm shqiptare. kjo situatë duhet kuptuar drejt dhe nuk duhet manipuluar apo përdorur për qëllime politike. Gjej rastin tu bëj thirrje të gjithë qytetarëve të mos bien viktime e këtyre rrjeteve kriminale mashtruese që përfitojmë miliona euro sepse do jenë po ata viktima duke u kthyer përsëri në Shqipëri më të varfër se më parë. Qeverisja ka nevojë të përmirësohet dhe të jetë e hapur ndaj kritikave”, u shpreh Meta.
Meta ndryshe nga Rama pranon: Varfëria ekziston, detyrë e qeverisë të gjejë zgjidhjet e duhura
