Drama “Doruntina” rikthehet pas 7 vjetësh me një version të ri në teatrin “Interart” në qytetin e New York-ut dhe në teatrin “Emelin” në Weschester. Drama e bazuar në romanin, “Kush e solli Doruntinën”, të shkrimtarit të njohur shqiptar, Ismail Kadare, trajton temën e familjes, dashurinë e ndaluar dhe fuqinë e premtimit, besës shqiptare. Ajo është realizuar nga Teatri Oda në bashkëpunim me kompaninë teatrale “Blessed Unrest”. Trupa e saj përbëhet nga katër aktorë amerikanë dhe katër aktorë shqiptarë.
Drejtuesit e Teatrit Oda dhe kompanisë teatrale Blessed Unrest, shpresojnë që tema e trajtuar në dramën “Doruntina” do të tërheqë një numër të madh artdashësish amerikanë. Doruntina do të shfaqet në New York dhe Weschester nga 23 prilli deri më 10 maj.
“Doruntina” rikthehet në New York
